गीत पितर जी
सोना की डांडी राजा रूपा रा चेला ।
तोल गांधी का बेटा किस्तूरी ॥
एकुण जी मुलाव गोरा एकुण जी तुलाव,
म्हार पितर बालूडा रा अंग चढ़े ।
श्री कृष्ण जी मुलाव गोरा तुलसी जी तुलाव, बालुड़ा पितरजी के अंग चढ़े ॥
छोटी सी तलाई जामे नीर बो तेरो, म्हारा पितरां को लसकर आवियो जो।”
न्हाया तो धोया पितर हुआ रे सन्तोषी, म्हारी तलाई में दूणी दूणी सिग चढे ॥
छोटो सो बुगचों ज्यामें कपड़ा बोतेरा, म्हारा पितरों से लसकर अत घणो ॥
पहऱ्या तो कपड़ा पितर हुआ रे सन्तोषी, म्हारा बुगचा में दूणी दूणी सिंग चढे ॥
छोटो सो डाबूल्यों ज्यामें गहणा भोतेरा, म्हारा पितरों से लसकर अत चार्णो ॥
पहया तो गहणा पितर हुआ रे सन्तोषी, म्हारा डाबूल्या में दूनी दूनी सिंग चढ़े ॥
छोटी सी कड़ाई ज्यां में लापसड्या रंधाई, म्हारा पितरा से लसकर अत घाणो ॥
जीम्या तो चूट्या पितर हुआ रे सन्तोषी, म्हारी कड़ाई में दूणी दूणी सिग चढ़े ॥
छोटो सो चोपड़ो ज्यामें केसर कूं कूं घोलियों, म्हारा पितरां रो लसकर अत घणो ॥
काढ्या तो टीका पितर हुआ रे सन्तोषी, म्हारा चोपड़ा में दूनी दूनी सिंग चढ़े ॥
छोटो सो नारेलो ज्यामें चिटक्यां बोतेरी, म्हारा पितरां को लसकर अत घणो ॥
चोढी तो चिटक्यां पितर हुया रे सन्तोषी, म्हारा नारेला में दूनी दूनी सिंग चढ़े ॥
छोटी सी नगरी ज्या में साजनिया बोतेरा, भंवरलाल जी का बेटा पोता अत घणा ॥
पितर बालूड़ा राजा देवो न आशीषां, थाँकी आशीषां फलस्यां फूलस्यां जी ॥
आमुडा ज्यों थे, फलज्यो राजा बेल ज्यो पसरज्यो, लिलड़ा नारेला लडलूमज्यो जी ॥
चौदस के दिन आज्यो राजा अमावस न जायज्यों, बंस बधाज्यो परिवार को जी ॥
भूखा भूखा आज्यो राजा धाया धाया जाज्यो, बंस बधाज्यों परिवार को जी ॥
अन्य समन्धित पोस्ट
अन्य समन्धित पोस्ट
तेजाजी का गीत तेजाजी का चौक म सोना का हिंडा ..
म्हारे पितर देवता आवो थारो रातिजगो हैं आज
घर आवो जी रसीला पितर खेलों म्हारे आनग्निये
थांका बाबाजी के आगे दुधही निमडी
हरिया बांसा रो पितरा पालनों जी
सोनी जी खिड़की खोल , पितर ऊबा बारण जी
