Raatijaga mein Devi Devta ka geet |
रातीजगा गाये जाने वाले सभी देवी देवताओं का गीत
म्हारी माता ने मेह्मंद ल्यावोसा , देखण मत जावोसा ,
म्हारा काना ने कुण्डल ल्यावोसा , देखण मत जावोसा
यो आगे आगे भोमिया ,पाछे बजरंग बाला जी
यो झंडो भेरू नाथ को , ये अगवानी सातु बहना ,
या जल में झूले शीतला , श्री कल्याण मोत्या वाला
यो मन्दिर बण्यो महादेव को ,में जल चढ़ाबा आईसा
कोला में बाबो भरतरी , भण्डारो करबो आईसा
या छीक चौथ की पातड़ी , जीमे बेठ्यो गुगो बाबो ,
म्हारा हाथा में चूड़ो लावोसा , देखण मत जावोसा
म्हारी कमर ने कनकती ल्यावोसा , देखण मत जावोसा
यो आगे आगे भोमिया ,पाछे बजरंग बाला
यो झंडो भेरू नाथ को , ये अगवानी सातु बहना ,
या छीक चौथ की पातड़ी , जीमे बेठ्यो गुगो बाबो
म्हारा पगल्या में पायल ल्यावोसा , देखण मत जावोसा
म्हारा पावैं में बिछिया ल्यावोसा ,देखण मत जावोसा
यो आगे आगे भोमिया पाछे बजरंग बाला ,यो झंडो भेरू नाथ को ,
ये अगवानी सातु बहना ,या छीक चौथ की पातड़ी ,श्री कल्याण मोत्या वाला
म्हारा कमर ने पटोलो ल्यावोसा , देखण मत जावोसा ,
म्हारा चटिया ने अंगिया ल्यावोसा ,देखण मत जावोसा
म्हारा सर ने पीला चूंदड़ ल्यावोसा , देखन मत जावोसा
यो आगे आगे भोमिया पाछे बजरंग बाला जी
यो झंडो भेरू नाथ को , ये अगवानी सातु बहना
या जल में झूले शीतला , श्री कल्याण मोत्या वाला
यो मंदर बण्यो महादेव को ,में जल चढ़ाबा आईसा
कोला में बाबो भरतरी , भण्डारो करबो आईसा
या छीक चौथ की पातड़ी , जीमे बेठ्यो गुगो बाबो, यो पुआ पपड़ी ल्याइसा
भेरू जी के भोग लगावो सा ,यो बाटी बाफ़ला लाइसा
भोमिया जी के भोग लगावो सा ,चूरमो हलवो ल्याइसा ,
माताजी के भोग लगावो सा ,यो आगे आगे भोमिया पाछे बजरंग बाला जी
अन्य रातिजगा गीत
हरिया बासा रो पितरा पालनो
अन्य समन्धित पोस्ट
म्हारे पितर देवता आवो थारो रातिजगो हैं आज
घर आवो जी रसीला पितर खेलों म्हारे आनग्निये