देवी देवता तथा राती जोगा का गीत
माताजी
माता लिली सी टोपी हरिया सा बागा, थे काई ओ केसोटा री ये माता उभी बडतळजी, म्हे तो जोवा छा ऐ रजवारा छा म्हारा सेवगडारी बाटज ओ, म्हारा जातीडारी बाजट ओ म्हे तो जाणा ओ, दशरथ जी रामजी जाय पधारसीजी, आवेला मन भावेला वे तो चोड ओ चोटी रां नोरेळ के झरता चुरमा जी। जिमावे ओ केसोंटा री ये राण्या लचपच लापसी, ओढावे ओ केसोटा री ये राण्या बोरंग चुदडी, पेरावे ओ केसोटा री ये राण्या दात्यो चुडलो, (इसी प्रकार घर का नाम व अपनी गोत्र का नाम लेवे)
पितरजी
पितरा थे म्हारा आज्योजी पितरा पावणा, पितरा भरण भादुडा रे मास ओ, बाळकिया पितरा ज्योत सवाई जी । पितरा ऊंचा तो घालुजी पितरा बेसना, पितरा लुळ लुळ लागुली पाय ओ, बाळकिया पितरा ज्योत सवाईजी । पितरा भैस दुवाडु भुरडी, पितरा गुदळी सी रांदुली खीर ओ, बाळकिया पितरा ज्योत सवाईजी पितरा चावळ रांदुली पितरा उजळा पितरा हरिया मुंगारीसी दाळओ, बाळकिया पितरा ज्योत सवाईजी । पितरा पोळी तो पोऊजी पितरा उजळी पितरा तीवण तीस बत्तीस ओ, बाळकिया पितरा ज्योत सवाईजी । पितरा घी बर ताऊजी पितरा बाटका, पितरा पापड तळुजी पचास ओ, बाळकिया पितरा ज्योत सवाईजी । पितरा थाल परोसजी पितरा कुळबहु पितरा झांझर रे झणकांर ओ, बाळकिया पितरा ज्योत सवाईजी । पितरा जिम्या ओ चुट्या पितरा रूच रह्या पितरा इमरत चतुं ये कराय ओ, बाळकिया पितरा ज्योत सवाईजी ।
अन्य गीत